المساعد الشخصي الرقمي

مشاهدة النسخة كاملة : بسرعة ارجوكم بسرعة جدا



لؤي حاتم
07-16-2012, 01:15 AM
بسم الله الرحمن الرحيم
انهاردة لقيت لقيت بيضة مكسورة واقعة في القفص مش ده المهم المنظر المحزن ده شوفتو كذه مرة يا رب الباقي يبقى مخصب المهم لقيت في نمل حولين البيضة وفي نمل في القفص اعمل ايه فيدوني بسرعة في حكاية النمل دي

الفقير الي الله
07-16-2012, 01:52 AM
في الصيف و الحر النمل جاي جاي
أنا أهتم بنظافه الأقفاص اكتر في الصيف
يوجد في الاسواق طباشير لطرد النمل يعني ترسم بيه دائره حول القفص و النمل مي هيخطيها أبدا و ده سعره بسيط و فعال جدا و أنا بستخدمه في البيت بس لما جيت النهارده استعمله للعصافير للاسف لقيته خلص من عندي

sherif el_desoky
07-16-2012, 02:00 AM
بص حضرتك افضل شئ وعن تجربه هتروح لاي حد بتاع مبيدات زراعيه هتقوله عايز ( اكسوفين) وخليه يقولك تحط عليه قد ايه ( ميه وجاز) وتشيل القفص وترش علي الحوائط والارضيات منه وبعيدا عن الطيور لانه سام وبعد كده رجع القفص تاني وان شاء الله مش هتشوف النمل تاني بس رش من وقت للتاني يعني كل اسبوع كده حاجه بسيطه

لؤي حاتم
07-16-2012, 02:01 AM
في الصيف و الحر النمل جاي جاي
أنا أهتم بنظافه الأقفاص اكتر في الصيف
يوجد في الاسواق طباشير لطرد النمل يعني ترسم بيه دائره حول القفص و النمل مي هيخطيها أبدا و ده سعره بسيط و فعال جدا و أنا بستخدمه في البيت بس لما جيت النهارده استعمله للعصافير للاسف لقيته خلص من عندي
شكرا لك اخي الكريم على الرد والاهتمام والمشاركة لكن اجيب الطباشير ده من عند محلات العصافير ام من عند محلات ادوات النظافة

محمد درويش
07-16-2012, 02:03 AM
زي ما قال الاستاذ شريف بالظبط

بس ازود جاجه بسيط
تتبع النمل وشوف جاي منين
وحط من الاوكسفين دا في المكان الي طالع منه النمل

لؤي حاتم
07-16-2012, 02:03 AM
بص حضرتك افضل شئ وعن تجربه هتروح لاي حد بتاع مبيدات زراعيه هتقوله عايز ( اكسوفين) وخليه يقولك تحط عليه قد ايه ( ميه وجاز) وتشيل القفص وترش علي الحوائط والارضيات منه وبعيدا عن الطيور لانه سام وبعد كده رجع القفص تاني وان شاء الله مش هتشوف النمل تاني بس رش من وقت للتاني يعني كل اسبوع كده حاجه بسيطه
شكرا لك اخي الكريم على التوضيح و الافادة والمشاركة

كريم النمر
07-16-2012, 04:29 AM
افادك الاخ شريف بارك الله فيه

الزيبرا المصري
07-16-2012, 11:17 AM
كما أفادك الأخوة بارك الله فيهم وهناك كذلك بودرة النمل من عند بياعين أدوات النظافة وأنصحك أخي لؤي بترييح الطيور حالياً لأنه من الممكن أن يهاجم النمل العش في وجود الزغاليل وقد يقتلها وتنتشر الكثير من الحشرات في الصيف

abanna
07-16-2012, 11:46 AM
هتجنن هتجنن
هتجنن
هتجنن
هتجنن


أنا أيضا عندي نمل كثير,
امبارح نقلت الطيور لقفص ثاني, و نزعت القفص من على الحيطه ثم غسلت القفص بتاعهم كله بالماء, غطسته كله في الماء للاخر, و طلع أبيض بيلمع جديد نوفي,

و نضفت الحائط جيدا,

و رشيت بودرة النمل من أسفل القفص و من حول القفص بمسافة أمان جيده,

و مسحت البلكونه كلها بالماء و الفنيك و الكلور,

لكن

و بعد ساعة زمن لاقيت أيضا بعض النمل علي القفص !!!!!!!!!!!!!!!!!!!!!!!!!!!!!!!!!!!!!

لا اعرف حتى الان من أين يأتي النمل, هو صغير جدا جدا جدا و لا أعرف من أين يدخل للقفص ؟!؟!؟!؟!

هتجنن

الحائط أبيض لون ثلج, و لا يوجد عليه نمله واحده تتحرك,

اذا من أين يأتي النمل ؟!!!!!!!!!!!!!!!!
من أين يدخل النمل على القفص !!!!!!!!!!!!!!

هتجنن يا ناس

صابر دياب
07-16-2012, 01:51 PM
أخي الكريم ضع ينسون حول القفص وضعه ضمن خلطة الحبوب بنسبة بسيطة ومع الوقت سيحبها البادجي

هذه طريقة أخذتها من المنتدى وجربتها وكانت ممتازة

ريشه
07-16-2012, 02:00 PM
سبحان الله ...
الف سلامه عليك من الجنان ..الله اكبر ..الله اكبر .
بصراحه يوجد نمل على حائط البلكونه التى تعلو بلكونة سيادتك ..ومع هبوب الهواء يقذف بها على بلكونة سيادتك ..لانه من غير المعقول ان يتخطى النمل الفنيك والكلور ...الا اذا كنت بعد الانتهاء من الغسبل قمت بتجفيف الارضيه والحوائط ..وبالتالى اصبح الفنيك والكلور اقل تأثيرا فيتخطاه النمل ...
نصيحه من اخ لك لم تلده امك .
فى المساء قم باجراء ما فعلت واترك الماء بالفنيك والكلور فى الارضيه بدون اى مسيح او تجفيف ...حتى يتشربه البلاط ..وفى الصباح ستجد كل شىء تمام وجاف ...بصراحه انا افعل هذا ..ولكن باستخدم البيوتكس 1سم/لتر ماء ..وبالله التوفيق.
ريشه

م/ماجد ابو ركبه
07-16-2012, 05:00 PM
اخي العزيز
يوجد عند الصيدليات البيطريه رش للحشرات غير سام ولكن مش متذكر اسمه ممكن ترش منع العصافير والزغاليل والاكل والبيض وكل حاجه بدون اي خوف بس اطلب منه رش حشرات غير سام وانا دائما ما استخدمه خصوصا صيفا لوجود النمل والفاش

moozoo
07-16-2012, 06:50 PM
يا جماعه انا حصلتلى الحكايه دى كانت نتايه بتبيض وكانت بايضه 3 بيضان ولاقيتها بره البياضه ولاقيت نمل ماشى عالبياضه فتحتها لقيت نمل على البيض منغير حتى مايكون مكسور عندنا فالبييت بخاخه رش بتموت النمل بالريحه بتاعتها وريحتها جميله بس سبحان الله بتهلك النمل جبتها ورشيت على البياضه ومكان البيض وبعد ثوانى النمل مات والنتايه دخلت

الرش ده اسموا باور كلين وجبتوا من بتوع المنظفات الصابون السائل والحاجات دى بس بصراحه مهلك النمل

لؤي حاتم
07-16-2012, 07:13 PM
شكرا لكل من شارك وافاد الجميع بالمعلومات

الفقير الي الله
07-17-2012, 01:35 AM
شكرا لك اخي الكريم على الرد والاهتمام والمشاركة لكن اجيب الطباشير ده من عند محلات العصافير ام من عند محلات ادوات النظافة

بلاقيه في السوبرماركت العادي علي الرفوف اللي بيبقي فيها الفليت و المبيدات و الحاجات دي و سعره في حدود 4 جنيه و مبيخلصش بسرعه

مصطفى_منصور
07-17-2012, 03:41 PM
احسن حاجة مجربة كيروكس سواء رش او بودرة بس و انت بترش ابعض الطيور حتى تزول الرائحة

ممتاز جدا مفعولة بيستمر اكتر من اسبوع