حديقة حيوان اسكندرية ( قمة الاهمال والتخلف ) بالصور

[sefeleslam]

السلام عليكم ورحمة الله وبركاته

اهلا وسهلا بكل الاخوة الاعضاء المحترمين

كنت فى حديقة الحيوان يوم امس وشوفت العجب هناك
اهمال بشكل كبير جدا وتخلف فى معاملة الحيوانات

ده شكل المبنى بتاع الادارة واضح طبعا نظيف قد ايه
دى اول القصيدة

[img]http://www3.0zz0.com/2012/04/08/20/176658480.jpg[/img]

ده المكان اللى المفروض بيبقا موجود فيه الفيل
فااااااااضى ( مش عارف محبوس جوه ولا راح فين )



ده المكان بتاع الزرافة فاضى برده - الزرافة ماتت من فترة وقطعوها قدام الناس (نزلت فى الجرايد وكان فضيحة كبيرة ) وقدموها للاسود - طبعا غير انهم اهملوا فيها لحد ما ماتت ما كلفوش خاطرهم يجيبوا واحده غيرها - وسايبين المساحة دى كلها فاضية




دى صورة لدبة قاعدة لوحدها شكلها وطريقة السلك خلتنى اسال الحارس دى عاملة كدا ليه
وكانت المفاجاة - قالى احنا جيبنالها دب تانى من فترة علشان يبقا وليف ليها
كانت بتضرب الدب وبتخليه ينام فى القفص بره وما بتخلهوش يدخل ينام ولا ياكل جوه لحد ما قعد اسبوعين وماااااااااات
طبعا انا سمعت كدا وكنت عايز اصرخ بعلو صوتى واقولهم ياناااااس يامتخلفة ....... النقط دى شتيمة برده بس علشان الرقابة
يعنى مافيش حد خالص فى حديقة الحيوان دى بيفهم
يفصل الدب فى قفص تانى مثلا
يحاول يولفهم باى طريقة - يحطله اكل بره - اى بتااااااع
لكن يسيبوا الدب علشان يموت - وقال ايه اللى قدروا يعملوه انهم عملوا السلك الرفيع ده علشان يحموا بيه الدب - بجد حاجه تشل




دى صورة لحمار زيبرا مع حمار بلدى فى مكان واحد
شكلهم عايزين يعملوا طفره جديدة ولا حول ولا قوة الا بالله



دى صورة لمكان واسع جدا وكبير فاضى مافيهوش كتكوت حتى
وعلى فكرة حديقة الحيوان مليانة من العينة دى
واقفاص العصافير كلها فاضية - بعد ما كان فيها كوكتيل واسترالى وطيور حب
انا رايح مخصوص اصلا علشان اشوف الطيور هناك لقيت كام قفص فيهم زيبرا بس
واقفاص كتيييير جدا جدا فااااااضية



دى صورة لاسد جاى من الصومال مش لاقى ياكل
اللى يركز شوية فى الصورة هيلاقى الهيكل العظمى بتاعته باين من كتر الجوع





مستنى رايكم والموضوع مفتوح للنقاش
هل فعلا هما مهملين وماعندهومش اى دراية بمعاملة الحيوانات ولا انا ظالمهم

[زينة الهدى]

لا حول ولا قوة الا بالله العلي العظيم والله منظر الكام حيوان يحزن !!!!

[الكابتن أحمد]

لا حول ولا قو ةإلا بالله حاجة تحزن جدا في اوربا والدول المتقدمة في مستشفيات للحيوانات والرعاية علي اعلي مستوي للاسف في مصرنا الحبيبه يهان الإنسان فماذا ننتظر بالنسبة للحيوان مأساة الحديقة دي فعلا مهزلة

[sefeleslam]

دى صور من اقفاص الزيبرا

[حسن]

للأسف رعاية الحيوانات فى حدائق الحيوان فى مصر مهملة جدا وحتى اخر مرة رحت فيها حديقة حيوانات القاهرة كانت الزرافة ميتة برضه , و على فكرة فى على طريق مصر اسكندرية الصحراوى قرية اسمها قرية الأسد و دى قرية فيها حيوانات و تعتبر نموذج مصغر لحديقة الجيوان بس هي فعلا جميلة و طريقة عرض الحيوانات فيها جميلة جدا , أنا رحتها السنة اللى فاتت أو اللى قبلها و كانت رحلة جميلة فعلا .

[freezone]

على فكرة انت ظالمهم
القفص بتاع الاسد فيه فول حريتى اهو يعنى مش حارمينه من الاكل و خايفين عليه من الكوليسترول كمان
و بعدين انت بنفسك قلت انهم قطعو الزرافة الميتة عشان الاسد ياكلها "او زباين محلات الكباب الله اعلم"
و ايه اللى يخليهم يتدخلو بين الدب و الدبة؟ دى مشاكل عائلية و بعدين هى حرة فى وليفها اكيد هو اللى يستاهل

بجد جريمة فى حق مخلوقات ربنا
ناس كتير و انا منهم مستعدين لرعاية الحيوانات دى تطوع من غير ولا مليم
بس عايزة اسأل هى دى نفسها النزهة؟
لانى رحت النزهة و انا صغيرة و كانت رائعة و مليانة حيوانات غريبة و نادرة منها الفهد الاسود و مجموعة من الاسود و النور و طيور كبيرة شبه البجع و غزلان و زراف و افيال
ايه اللى حصل ؟ مين اللى اكل ده كله؟

[م/ جاسر أبو العينين]

بالطبع هيا النزهة
بس دلوقتي مابقتش نزهه
انا رحتها من عده شهور وندمت اني روحتها
جبت كام كيلو جزر علي كام كيلو بطاطا وخس
جزر وقطعتهم وقعدت أكل الحيوانات زوجتي وابني
كانوا فرحانين وهما بيأكلوا الحيوانات وانا كنت بتعذب علي
منظرهم ومدي تجويعهم
ولا الاسود اللي حتموت من الجوع علشان تدي للحارس
فلوس علشان تأكله حته جلده وكمان يبهدل فيه علشان ياخدها

[ام ادم]

الفيل مات على فكرة انا كنت هناك من شهر تقريبا وسالت قالو انه مات
والله العظيم حاجة تحزن بجد ربنا ينتقم منهم عشان دى ارواح فى رقبتهم
وهيتحاسبو عليها يوم الدين
لسة اخوية امبارح بيقول يوم شم النسيم نروح النزهة
ردينا كلنا فى نفس واحدلالالالالالالالالالالالالالالالالالالالاءة
وقررننا اننا مش هنعتبها تانى اساسا
حسبى الله ونعم الوكيل بجد

[kholyou]

لا إله إلا الله
مش بعيد طبعا إنك تشوف الكلام ده فى بس ده طبعا غلا لو حديقة الحيوان إتخصخصت
وكمان سعر التذكر يزيد يبقى حوالى 20 او 30 جنيها ساعتها بس ممكن يحاولوا يهتموا بيها
لا حول ولا قوة الا بالله

[meme_eso93]

بسم الله الرحمن الرحيم (ظهر الفساد فى البر والبحر بما كسبت ايدى الناس ) صدق الله العظيم حسبى الله ونعم الوكيل (دخلت امراه النار فى هره) فما بالك باللى سيبين الحيوانات لحد ما ماتت من الجوع وياريت يا جماعه الناس متمتنعش انها تروح هناك يمكن لما انت تروح وتاكل حيوان على سبيل الترفيه يكون سبب فى ان الحيوان ده ميموتش من الجوع

[حسن]

فعلا والله كلام الأستاذ / meme_eso93 سليم و المفروض نعمل كده .

[سعمورة]

لية وجع القلب دا ياسيف مش كفاية لما بروح هناك . .
انا اخر مرة كنت هناك مع بنت اختي بجد اضايقت كتير علي الحالة السيئة اللي عليها الحيوانات . .
وللاسف واضح انها في اذدياد . . !!
الواحد عايز لما يروح هناك ياخد معاة عصاية ويطلع في الادارة يجري وراهم بيها . .
بجد منهم لله علي اللي بيعملوة في الحيوانات دي . .
وتسلم ياسيف علي مشاركتنا الصور . .
وتم تقييم الموضوع . .

[عاشق تريكة]

لاحول ولاقوة الا بالله الواحد يروح يتفسح ويستمتع .يرجع عنده اكتئاب من المناظر دى بس هى جت على دى البلد كله خربانه وتعالى شوف حديقة الحيوان اللى فى المنصورة ههههه لااا اله الا انت سبحانك انى كنت من الظالمين

[Ahmed osama]

طيب تقولوا اة بقى لو شوفتو حديقة الحيوان بالجيزة الحديقة دية بالنسبة لها جنة الحيوانت اللى فيى كولها ماتت و القفاص كلها فيها قطط و عصافير كتير اتكلت برضة غير الزرافة اللى ماتت و الفيل اللى مات و كل حاجة ماتت حسبنا الله و نعم الوكيل

[Yasser.S]

و الله يا سيف أنا مش عارف سبب هجومك العنيف على حضرة المسئول ..

يعني أنا اول مرة اشوف النوع دا من القرود على سبيل المثال .. انت بكل أسف معلوماتك ناقصة دا قرد مش دب ...

و بعدين انت لو كنت صبرت ساعتين زمن كانوا انتهوا من دهان الحمار التاني ..

وبعدين انت بتشن هجوم بسبب الأسد اللي عنده جفاف دا مش ذنبهم ... هما خايفين يطعموه لحمة مصابة بالحمى القلاعية فيمرض ...... فبيحاولوا بقدر المستطاع البحث عن أفضل و أجود أنواع اللحوم بمصر ...

وبعدين الأرض الخالية اللي مش عاجباك فدي كانت مركز أشبال الأسود و حصل لها نهب و تدمير من الفلول ...

شوفت انت ظالم الناس ازاي ههههههه

الوضع مآساوي ... حسبنا الله و نعم الوكيل

الواحد لا يملك أية تعليقات على دب يصعب على الكافر اول مرة اشوف دب قاعد يتسول بكل ماتعنيه الكلمة ...

سؤال بقى .... ريحة الحيوانات اخبارها ايه ؟

[م/ جاسر أبو العينين]

هو الدب بس اللي متسول دا جميع انواع الحيوانات
هناك متسوله تبحث عن الاكل لتجويع الحراس لها
والريحه ايه ماينفعش اقولك لازم تشم بنفسك
ههههههههههههههههههههههههههههههههه

[Yasser.S]

هو الدب بس اللي متسول دا جميع انواع الحيوانات
هناك متسوله تبحث عن الاكل لتجويع الحراس لها
والريحه ايه ماينفعش اقولك لازم تشم بنفسك
ههههههههههههههههههههههههههههههههه

ههههههههههههه طيب ليه شباب الاسكندرية مايعملش مبادرة لتحميم و تنظيف الحيوانات

أنا لو من الاسكندرية كنت عملت مبادرة و رابطة لتجميل الحديقة و تنظيفها عبر التبرعات بكافة انواعها سواء مالي او جهد او ماشابه

اتمنى اشوف مبادرة او رابطة لتجميل الحديقة و الرعاية بالحيوانات و المساهمة في تطويرها و تجميلها ....... الافكار كتير ...

[سامي الازهري]

حكومه لاتهتم بحياه الانسان هتهتم بحياه الحيوان
الحيونات عندنا في القاهره تستغيس
48اسد الجنينه كولها مفيهاش غير اسود

[ملكة الكوكتيل]

هههههههههههههههههههه
انا مش عارفة اكتب من كتر الضحك على التعليقات اللى مليانة بالسخرية من كتر الحزن على الحيوانات
بجد منهم لله
وبعدين استاذ سيف حضرتك مستغرب ليه الوضع
دة العادى بتاعنا
منتظرر ايه من بلد لا تهتم اصلا بالانسان يبقى هتهتم بالحيوان
انا فاكرة زمان وانا طفلة روحت حديقة الحيوان بالجيزة كانت تحفة بمعنى الكلمة كنت حاسة انى فى غابة من غابات جنوب افريقيا
كانت روعة بجد
لم يكن مرض لاهمال اصابها بالفعل ايوة مرض ولااسف انتشر فى كل حاجة فى بلدنا
دة غير كمية النباتات اللى اعرف ان غالبيتها من النوادر بأت تتلاشى وتموت فعلا
دة لو بلد تانى غيرنا كانت عملت معرض لانواع النباتات الموجودة بالحديقة على الاقل
انا بتكلم على حديقة الجيزة لانى بصراحة حديقة النزهة لم يسبق لى زيارتها من قبل
وفى الاخر بجد منهم لله لان الحيوانات مش بتنطق ولا بتقول انا مريضة ولا انا جعانة ولا انا عطشانة ومحتاجة اللى يحس بيها
وللاسف اصبح هذا شئ صعب فى ايامنا بل من النوادر انقرض زى ما انقرضتن الحيوانات
والمفروض الحيوانات دة تعمل مظاهرة وتهجم على ادارة الحديقة والاسد اللى جعان دة يكون نصيبة رئيس مجلس الادارة ودة اققل تعويض له على اهانتة وتجويعة
ربنا يصلح الحاااااااااااااااااااااااااال يارب

[sefeleslam]

اسفق لتاخرى فى الرد
ظروف عمل والله معلش

لا حول ولا قوة الا بالله العلي العظيم والله منظر الكام حيوان يحزن !!!!

والله فعلا يا زينة الهدى حاجه تحزن وناس ماعندهاش ضمير
شكرا تشريفك الموضوع

لا حول ولا قو ةإلا بالله حاجة تحزن جدا في اوربا والدول المتقدمة في مستشفيات للحيوانات والرعاية علي اعلي مستوي للاسف في مصرنا الحبيبه يهان الإنسان فماذا ننتظر بالنسبة للحيوان مأساة الحديقة دي فعلا مهزلة

هههههههههههههههههه
في اوربا والدول المتقدمة ها
هو فعلا الانسان مالهوش كرامة فى مصر
بس بدل فى حديقة حيوان وناس بتاخد مرتبات ومساحة وتجهيزات زى دى يبقوا يتقوا ربنا ويعاملوا الحيوانات كويس
شكرا د رفعوته على مرورك الجميل
نورت الموضوع

للأسف رعاية الحيوانات فى حدائق الحيوان فى مصر مهملة جدا وحتى اخر مرة رحت فيها حديقة حيوانات القاهرة كانت الزرافة ميتة برضه , و على فكرة فى على طريق مصر اسكندرية الصحراوى قرية اسمها قرية الأسد و دى قرية فيها حيوانات و تعتبر نموذج مصغر لحديقة الجيوان بس هي فعلا جميلة و طريقة عرض الحيوانات فيها جميلة جدا , أنا رحتها السنة اللى فاتت أو اللى قبلها و كانت رحلة جميلة فعلا .

برده عندكم فى القاهرة موتوا الزرافة ؟؟؟؟؟؟؟؟؟؟ لا حول ولا قوة الا بالله
فعلا قرية الاسد تحفة وفيها رعابة بجد
شكرا استاذ حسن تشريفك الموضوع
دمت بكل ود

على فكرة انت ظالمهم
القفص بتاع الاسد فيه فول حريتى اهو يعنى مش حارمينه من الاكل و خايفين عليه من الكوليسترول كمان
و بعدين انت بنفسك قلت انهم قطعو الزرافة الميتة عشان الاسد ياكلها "او زباين محلات الكباب الله اعلم"
و ايه اللى يخليهم يتدخلو بين الدب و الدبة؟ دى مشاكل عائلية و بعدين هى حرة فى وليفها اكيد هو اللى يستاهل

بجد جريمة فى حق مخلوقات ربنا
ناس كتير و انا منهم مستعدين لرعاية الحيوانات دى تطوع من غير ولا مليم
بس عايزة اسأل هى دى نفسها النزهة؟
لانى رحت النزهة و انا صغيرة و كانت رائعة و مليانة حيوانات غريبة و نادرة منها الفهد الاسود و مجموعة من الاسود و النور و طيور كبيرة شبه البجع و غزلان و زراف و افيال
ايه اللى حصل ؟ مين اللى اكل ده كله؟

ههههههههه - فعلا انا ظالمهم
فول للاسود
محلات الكباب يعععععععععععععع - حرام عليكى
ههههههههههههه فعلا مشاكل عائلية - المراة والساطور

والله ناس ما عندها ضمير وحاجه تحزن بجد
هى فعلا النزهة وانا كمان من كام سنة رحتها كانت جميلة وكانوا بيحاولوا يطورو فيها وكانوا جايبين دب قطبى وكان فى عصافير كتير
وكانوا عاملين شغل حلو
لكن دلوقتى بقت زى الزفت
فى حاجه غلط والله ياما الناس دى مهملة جدا والحيوانات دى بتموت ياما الناس دى بتبيع الحيوانات
شكرا على ردك الجميل كالعادة
ربنا يجزيكى خيرا على تشريفك للموضوع

بالطبع هيا النزهة
بس دلوقتي مابقتش نزهه
انا رحتها من عده شهور وندمت اني روحتها
جبت كام كيلو جزر علي كام كيلو بطاطا وخس
جزر وقطعتهم وقعدت أكل الحيوانات زوجتي وابني
كانوا فرحانين وهما بيأكلوا الحيوانات وانا كنت بتعذب علي
منظرهم ومدي تجويعهم
ولا الاسود اللي حتموت من الجوع علشان تدي للحارس
فلوس علشان تأكله حته جلده وكمان يبهدل فيه علشان ياخدها

فعلا والله الحراس بيجوعوا الحيوانات علشان لما الناس تيجى الحيوانات تاكل من ايديهم

الفيل مات على فكرة انا كنت هناك من شهر تقريبا وسالت قالو انه مات
والله العظيم حاجة تحزن بجد ربنا ينتقم منهم عشان دى ارواح فى رقبتهم
وهيتحاسبو عليها يوم الدين
لسة اخوية امبارح بيقول يوم شم النسيم نروح النزهة
ردينا كلنا فى نفس واحدلالالالالالالالالالالالالالالالالالالالاءة
وقررننا اننا مش هنعتبها تانى اساسا
حسبى الله ونعم الوكيل بجد

لا حول ولا قوة الا بالله
كمان الفيل مات - مش عارف يعنى ايه حديقة حيوان من غير فيل ولا زرافة
والله فعلا انصحك بلاش تروحى
بقت كلها رحلات للمدارس وطول مانتى ماشية اغانى غريبة شغالة تحسى انك فى سوق شعبى مش حديقة حيوان
غير الروائح الكريهة وعدم الاهتمام بالحيوانات
شكرا تشريفك الموضوع سنووايت
جزاكى الله خيرا على ردك الجميل

[sefeleslam]

لية وجع القلب دا ياسيف مش كفاية لما بروح هناك . .
انا اخر مرة كنت هناك مع بنت اختي بجد اضايقت كتير علي الحالة السيئة اللي عليها الحيوانات . .
وللاسف واضح انها في اذدياد . . !!
الواحد عايز لما يروح هناك ياخد معاة عصاية ويطلع في الادارة يجري وراهم بيها . .
بجد منهم لله علي اللي بيعملوة في الحيوانات دي . .
وتسلم ياسيف علي مشاركتنا الصور . .
وتم تقييم الموضوع . .

معلش بقا يا سعمورة الموضوع جه كدا

هههههههههههه - حلوة فكرة العصاية بس انا شايفها مش كفاية
عايزين حاجه اكبر من كدا شوية - مدفع مثلا
شكرا يا سعمورة على تشريفك الموضوع وميرسى على التقيم
منورانا دايما

[sefeleslam]

لا إله إلا الله
مش بعيد طبعا إنك تشوف الكلام ده فى بس ده طبعا غلا لو حديقة الحيوان إتخصخصت
وكمان سعر التذكر يزيد يبقى حوالى 20 او 30 جنيها ساعتها بس ممكن يحاولوا يهتموا بيها
لا حول ولا قوة الا بالله

والله لو التذكرة هتبقا غالية ويهتموا بالحيوانات ويجيبوا انواع جديدة
زى الحدائق العالية والواحد لما يدخل يلاقى مكاو ولا كوكاتو
يبقا حلال حتى لو 50 جنيه مش مشكلة
بس هتبقا رحلة بجد
شكرا اخى الحبيب على مرورك الجميل

بسم الله الرحمن الرحيم (ظهر الفساد فى البر والبحر بما كسبت ايدى الناس ) صدق الله العظيم حسبى الله ونعم الوكيل (دخلت امراه النار فى هره) فما بالك باللى سيبين الحيوانات لحد ما ماتت من الجوع وياريت يا جماعه الناس متمتنعش انها تروح هناك يمكن لما انت تروح وتاكل حيوان على سبيل الترفيه يكون سبب فى ان الحيوان ده ميموتش من الجوع

المشكلة اخى الكريم
انك لما بتروح مش بتاكلهم
حتة لحمة شكلها غريب وسورى فى اللفظ معفنة
ده يمكن انتا بتاخد ذنب لما تاكل الحيوان اكل زى ده
ذنب الحيوانات دى فى رقبتهم - حسبى الله ونعم الوكيل فيهم
شكرا تشريفك الموضوع اخى الحبيب

فعلا والله كلام الأستاذ / meme_eso93 سليم و المفروض نعمل كده .

شكرا اخى حسن على مرورك الجميل

لاحول ولاقوة الا بالله الواحد يروح يتفسح ويستمتع .يرجع عنده اكتئاب من المناظر دى بس هى جت على دى البلد كله خربانه وتعالى شوف حديقة الحيوان اللى فى المنصورة ههههه لااا اله الا انت سبحانك انى كنت من الظالمين

والله انا رايح ارفس عن نفسى شوية رجعت عندى اكتئاب وكاره الحياه بسبب ولاد اللذينة دول
هى فعلا البلد خربانة وشكل حديقة الحيوان بتاعت المنصورة دى كلها معيز هههههههههه
ربنا يصلح الحال باذن الله
شكرا على مرورك العطر اخى الحبيب عاشق تريكة

طيب تقولوا اة بقى لو شوفتو حديقة الحيوان بالجيزة الحديقة دية بالنسبة لها جنة الحيوانت اللى فيى كولها ماتت و القفاص كلها فيها قطط و عصافير كتير اتكلت برضة غير الزرافة اللى ماتت و الفيل اللى مات و كل حاجة ماتت حسبنا الله و نعم الوكيل

لاحول ولا قوة الا بالله
معلش يا احمد الفساد وصل لكل حتة
والناس بقت تقول دى مش فلوسنا ودى حيوانات مش مهم تموت ولا تروح فى دهية حتى
بجد حسبنا الله ونعم الوكيل فيهم
شكرا احمد باشا على تشريفك الموضوع

[sefeleslam]

هههههههههههههههههههه
انا مش عارفة اكتب من كتر الضحك على التعليقات اللى مليانة بالسخرية من كتر الحزن على الحيوانات
بجد منهم لله
وبعدين استاذ سيف حضرتك مستغرب ليه الوضع
دة العادى بتاعنا
منتظرر ايه من بلد لا تهتم اصلا بالانسان يبقى هتهتم بالحيوان
انا فاكرة زمان وانا طفلة روحت حديقة الحيوان بالجيزة كانت تحفة بمعنى الكلمة كنت حاسة انى فى غابة من غابات جنوب افريقيا
كانت روعة بجد
لم يكن مرض لاهمال اصابها بالفعل ايوة مرض ولااسف انتشر فى كل حاجة فى بلدنا
دة غير كمية النباتات اللى اعرف ان غالبيتها من النوادر بأت تتلاشى وتموت فعلا
دة لو بلد تانى غيرنا كانت عملت معرض لانواع النباتات الموجودة بالحديقة على الاقل
انا بتكلم على حديقة الجيزة لانى بصراحة حديقة النزهة لم يسبق لى زيارتها من قبل
وفى الاخر بجد منهم لله لان الحيوانات مش بتنطق ولا بتقول انا مريضة ولا انا جعانة ولا انا عطشانة ومحتاجة اللى يحس بيها
وللاسف اصبح هذا شئ صعب فى ايامنا بل من النوادر انقرض زى ما انقرضتن الحيوانات
والمفروض الحيوانات دة تعمل مظاهرة وتهجم على ادارة الحديقة والاسد اللى جعان دة يكون نصيبة رئيس مجلس الادارة ودة اققل تعويض له على اهانتة وتجويعة
ربنا يصلح الحاااااااااااااااااااااااااال يارب

عايزين نحاول نغير العادى ده بقا يا ملكة
مش هينفع نفضل ناخد على دماغنا ونفضل ساكتين كدا كتير
فعلا عندك حق حديقة الحيوان زمان سؤاء اسكندرية ولا القاهرة كانت جميلة
لكن دولة بقت خربات وعبارة عن اماكن فاضية
ياريت الحيوانات يوصلهم رايك ده ونلاقى فى الجرايد قريب الادارة الاسود كلتها باللى فيها
شكرا لتشريفك الموضوع ملكة الكوكتيل
منورة المواضيع دائما بوجودك الجميل

[sefeleslam]

و الله يا سيف أنا مش عارف سبب هجومك العنيف على حضرة المسئول ..

يعني أنا اول مرة اشوف النوع دا من القرود على سبيل المثال .. انت بكل أسف معلوماتك ناقصة دا قرد مش دب ...

و بعدين انت لو كنت صبرت ساعتين زمن كانوا انتهوا من دهان الحمار التاني ..

وبعدين انت بتشن هجوم بسبب الأسد اللي عنده جفاف دا مش ذنبهم ... هما خايفين يطعموه لحمة مصابة بالحمى القلاعية فيمرض ...... فبيحاولوا بقدر المستطاع البحث عن أفضل و أجود أنواع اللحوم بمصر ...

وبعدين الأرض الخالية اللي مش عاجباك فدي كانت مركز أشبال الأسود و حصل لها نهب و تدمير من الفلول ...

شوفت انت ظالم الناس ازاي ههههههه

الوضع مآساوي ... حسبنا الله و نعم الوكيل

الواحد لا يملك أية تعليقات على دب يصعب على الكافر اول مرة اشوف دب قاعد يتسول بكل ماتعنيه الكلمة ...

سؤال بقى .... ريحة الحيوانات اخبارها ايه ؟

فعلا يا ياسر انا ظالمهم جامد جداااااااااا
بعد كلامك ده انا طلعت ابو الغضب وهما طلعوا غرينديزر
روح يا شيخ اللى يعمر بيتك ))))))))
الدب فعلا عامل زى الشحاتين نفسه ياكل ياعينى والراجل معذب اللى جابوه وعمال ينقطه
ريحة الحيوانات موصلة للشارع بره

شكرا ياسر باشا على تشريفك الموضوع
منورنى دايما بوجودك الجميل

حكومه لاتهتم بحياه الانسان هتهتم بحياه الحيوان
الحيونات عندنا في القاهره تستغيس
48اسد الجنينه كولها مفيهاش غير اسود

عندك حق والله
والناس فى مصر كلها بتستغيث ما بالك بالحيوانات

[freezone]

انا عندى فكرة و لازم ننفذها يا جماعة
احنا كام واحد متعاطف مع الحيوانات دى
ليه مانتعاونش و نروح نأكلها؟
انا شخصيا ناوية انى كل ما اروح اسكندرية ان شاء الله اعملهم زيارة و احطلهم اكل
بس طبعا مش كفاية واحد لوحدة يعمل كده
ياريت الناس اللى فى القاهرة تهتم بحديقة الجيزة و يرتبوا مع بعض جدول بحيث كل واحد يروح مرة فى الشهر او كل شهرين على حسبب عددهم , و فى الاسكندرية نفس القصة
و لو حد مش عايز يروح كفاية يتبرع لهم بأى أكل , سمك للدب , خضار , لحوم للاسود,
و هيبقى له ثواب كبير "فى كل كبد رطب صدقة"
استاذ سيف يا ريت تعمل موضوع جديد و تعرض فيه المبادرة دى ارجووووووووووووووووووك
المشكلة بس ان الحراس هناك هيحاولوا يمنعونا عشان لو الحيوانات شبعت مش هيعرفوا يسترزقوا منها
منهم لله
بس انا لو هناك و حد منعنى ااكلهم اكل من عندى هيبقى يومه اسود من الفهد الاسود

بللا يا استاذ سيف ارجوك اعملنا موضوع جديد للمبادرة و نشوف مين هيشارك فى الاسكندرية و القاهرة و ننظم مواعيدهم بحيث كل يوم يروح واحد
و عايزين نعرف كمان ايه انواع الحيوانات الموجودة فى كل حديقة و ايه الاكل المناسب ليها و بتحتاج اكل قد ايه فى اليوم
فين الناس اللى بتتابع انميل بلانت تفيدنا فى الموضوع ده "اخده بالك يا سعمورة"